Ration Card Update Online : देशातील 80 कोटींहून अधिक गरीब लोकांना दर महिन्याला योग्य धान्य दुकानात धान्य उपलब्ध करून देण्यासाठी केंद्र सरकार प्रधानमंत्री गरीब कल्याण अन्न योजना (PMGKAY) चालवत आहे. योजनेनुसार शिधापत्रिकाधारकांना कुटुंबातील सदस्यांच्या संख्येनुसार ठराविक प्रमाणात धान्य मिळते. आता तुम्ही तुमच्या शिधापत्रिकेत नवीन सदस्याचे नाव टाकून अतिरिक्त धान्य मिळवू शकता.
मात्र, शिधापत्रिकेवर नाव सामील करून सदस्य संख्या वाढवायची असल्यास धान्य पुरवठा कार्यालयात जावे लागते. आता त्याची गरज नाही. कारण रेशनकार्डवर नवीन सदस्याचे नाव तुम्ही घरी बसून ऑनलाइन सामील करू शकता. शिधापत्रिकाधारकांना कुटुंबातील सदस्यांच्या संख्येनुसार धान्य मिळते.
रेशनकार्डचा वापर केवळ धान्य मिळवण्यासाठीच केला जात नाही, तर रेशनकार्ड हे ओळखपत्र म्हणूनही काम करते. बँक खाते उघडण्यापासून ते सरकारी योजना आणि खाजगी योजनांसाठी रेशनकार्डचा वापर ओळख म्हणून करता येतो. तुमच्या घरात नवीन सदस्य असल्यास आणि रेशन कार्डमध्ये त्याचे नाव अपडेट किंवा जोडायचे असल्यास, एक सोपी पद्धत आहे. शिधापत्रिकेत नाव जोडणे ऑफलाइन आणि ऑनलाइन केले जाऊ शकते.
शिधापत्रिकेवर अत्यल्प किमतीत मिळते रेशन
केंद्र सरकार शिधापत्रिकाधारकांना प्रति युनिट ५ किलो गहू आणि तांदूळ मोफत देते. म्हणजेच तुमच्या घरामध्ये ५ सदस्य असतील तर प्रत्येक सदस्याला ५ किलो गव्हानुसार दरमहा २५ किलो गहू आणि तांदूळ मिळेल. याशिवाय राज्य सरकार शिधापत्रिकेवर प्रति युनिट मीठ, तेल आदी धान्य देत आहे.
रेशन कार्डवर नवीन नाव कसे जोडावे?
मूल जन्माला येते किंवा नवविवाहित स्त्री घरात प्रवेश करते तेव्हाच रेशन कार्डमध्ये नवीन नाव जोडले जाते. तुम्ही ऑफलाइन किंवा ऑनलाइन नावे जोडू शकता. नाव जोडण्यासाठी विवाह प्रमाणपत्र, जन्म प्रमाणपत्र, प्रतिज्ञापत्र आणि पासपोर्ट आकाराचे छायाचित्र आवश्यक आहे.
- शिधापत्रिकेत नाव टाकण्यासाठी तुम्ही ऑनलाइन अर्ज करु शकता
- सर्वप्रथम जवळच्या CSC केंद्राला भेट द्या किंवा तुमच्या राज्याच्या अन्न विभागाच्या अधिकृत वेबसाइटला भेट द्या.
- वेबसाइटवर जा आणि फॉर्म क्रमांक 3 डाऊनलोड करा.
- आता फॉर्म-3 मध्ये शिधापत्रिकेची संपूर्ण माहिती भरा.
- तसेच ज्या व्यक्तीचे नाव सामील करायचे आहे, त्याची पूर्ण माहिती भरा.
- भरलेल्या फॉर्मसोबत अंगठ्याचा ठसा किंवा सही करा.
- फॉर्म भरल्यानंतर तो CSC केंद्र किंवा अन्न विभागाच्या अधिकृत वेबसाइटवर अपलोड करा.
- त्यानंतर फॉर्ममध्ये दिलेल्या माहितीची पडताळणी केल्यानंतर शिधापत्रिकेत नवीन अपडेट होईल.
शिधापत्रिकेत नाव टाकण्यासाठी तुम्ही ऑफलाइन अर्जही करु शकता
- रेशन कार्डमध्ये नवीन नाव अपडेट ऑनलाइन अर्ज करु शकत नसाल, तर तुम्ही ऑफलाइनही अर्ज करु शकता.
- यासाठी सर्वप्रथम तुम्हाला तुमच्या शहरातील पालिका किंवा MCD कार्यालयात जावे लागेल.
- येथे तुम्हाला रेशन कार्ड फॉर्म क्रमांक-3 मिळेल.
- आता फॉर्म काळजीपूर्वक भरा.
- यामध्ये मागितलेली सर्व आवश्यक कागदपत्रे जोडावी लागतील.
- फॉर्म भरल्यानंतर नजीकच्या कार्यालयात जमा करा.
- फॉर्म सबमिट केल्यानंतर, पडताळणी होईल आणि त्यानंतर शिधापत्रिकेत नवीन नाव सामील होईल.