फलोत्पादन | शेती जशी आधुनिक होऊ लागली, त्याप्रमाणे आता महिला देखील शेतीत सक्रिय सहभाग घेत आहेत. दरम्यान, अनेक यशस्वी महिला शेतकऱ्यांच्या बातम्याही विविध माध्यमातून समोर येत असतात. उत्तर प्रदेशातील इटावामधील जसवंतनगरमध्ये राहणाऱ्या मंत्रावती देवीही याच कारणामुळे त्यांच्या परिसरातील लोकांमध्ये लोकप्रिय झाल्या आहेत.
टरबूज लागवडीतून भरघोस नफा
जसवंतनगर तालुक्यातील नागला भिखण गावातील रहिवासी असलेल्या मंत्रावती या बचत गट सखीशी संबंधित आहेत. यातूनच त्यांना शेतीत सहभागी होण्याची प्रेरणा मिळाली. आधी अर्धा एकर शेतात स्ट्रॉबेरीची लागवड सुरू केली.
यातून बंपर नफा कमावला. त्यानंतर त्याच शेतात टरबूजही लावले. यावेळी त्यांच्या शेतात भरपूर पिवळे टरबूजाचे उत्पादन घेत आहेत. त्यांची किंमत बाजारात सामान्य टरबूजाच्या दुप्पट आहे. मंत्रावतीदेवींचा नफा वाढत असल्याने परिसरातील इतर महिलांसाठी त्या प्रेरणास्त्रोत ठरत आहेत.
ड्रॅगन फ्रूटची शेती
मंत्रावती देवी यांनी सांगितले की, बचत गट सखीच्या मदतीने त्यांनी ड्रॅगन फ्रूटची लागवडही सुरू केली आहे. ड्रॅगन फ्रूट लागवडीत 3 वर्षांनी फळे येतात आणि 25 वर्षे सतत फळ देणारी झाडे असतात. या पिकातून त्यांना बंपर नफाही मिळणार आहे.
त्या पुढे सांगतात की, पारंपारिक शेतीऐवजी अशा पिकांची लागवड करून शेतकरी कमी वेळेत चांगला नफा कमवू शकतात. अशा परिस्थितीत शेतकऱ्याने गहू, धान याऐवजी भाजीपाला आणि फळांकडे वळले पाहिजे. यासाठी शासनाकडून शेतकऱ्यांना आर्थिक मदतही दिली जाते.